اما الآن ؟ واشيب راسي

.
.
السلام عليكم ورحمة الله

بادخُل بالموضوع اللي غابننِي غبن ومسببلي ارق هالايام
كلنا نعرف ان الضيف ضيف الله ، ومن واجبك تقدمله وتعطيه
وتقدره وتحترمه وتحط له مكانه وقت يجيك واهتمام، حلو ؟ :)

يوم ورا يوم يزداد تبلد الناس من ناحية الضيف،
يعني مثلاً طبيعِي جداً تعزمك وحده وتعزم معك ناس
ووقت توصل ماتحصل احد يقوم بواجبك كَ ضيف ،
وين اللي عازمه ؟ طالعه والله مو بالبيت ..

او تروح وحده لوحده تعبانه ببيت اهلها،
ووقت توصل تلبس عبايتها صاحبة البيت وتطلع !
طيب ياهوه وش وضع اللي موجود هنا عندكم بالبيت ؟
ماهو آدمِي لكم احقية تقومون بواجبه او انه اثاث بالمنزل ؟
للأسف متأسفه اننا وصلنا لهالمرحله كنا الضيف نفرح فيه
الى النوم ينام عندك وتحطه برمش عيونك، والحين؟
من فتره لفتره تروح وماتحصل احد يستقبلك
او تلبس عبايتها صاحبة البيت وتطلع !
والمشكله الاكبر اذا كانت هالحرمه يعني نظام اسبوعي الطلعه
مو شيء مهم وجديد ومضطره تطلع له ، :)
كنا نحط اعذار لكن يوم عن يوم نسمع ان فلانه سوتها
يابوووي شصاير بالدنيا ي ناس انا قمت أستسخف العقليات هذي ،
الضيف ي بشر ليش كذا صاير ثقيل وليش الناس تسحب عليه !
مجتمع مع الاسف صار فيه كل شيء عادي ،
لحظه احس بشيء غثيث والله ولازم اشارككم هالموضوع
ماقدر اخليه بتسبدي ..

برأيكم

وش اللي خلانا نوصل لهالمرحله ؟
هل هو بسبب التكلف اللي قاعد يصير والبذخ ؟
او صارت الناس م تعرف العيب واخذه الدنيا سهالات ؟

طبعاً بالنهايه م اعمم ومو طبعِي التعميم ف التعميم
هي " لغة الجهلاء " وكلنا نعرف هالشيء ،
هذي امثله شفتها بنفسي وذكرتها
والدنيا عقولة اهلنا الشوام " ان خليت خربت "
لابد فيه ناس تعرف الاصول ومتمسكه فيها للحين
لكن ابيكم تعطوني رأيكم باللي ذكرت فوق ..

اخيراً ماقول غير الله لايبتلينا
-كانت هنا المنغثه دايموند ..